Immunitet – bu invaziv vositalarning kirib kelishiga qarshi turuvchi organizmning himoya tizimi. Ushbu murakkab tizim bir qator tarkibiy qismlardan iborat bo’lib, butun tanani qoplaydi – teridan tortib to leykositlargacha optimal salomatlikni saqlab turadi.
Shu bilan birga, organizm immunitetning zaiflashayotganligi haqida signal berishi mumkin.
Keling, immunitet tizimining yordamga muhtojligini ko’rsatadigan belgilarni ko’rib chiqib, bu holatda nima qilish kerakligini bilib olaylik.
Immunitetga salbiy ta’sir ko’rsatadigan omillar
Immunitet darajasiga ko’plab omillar ta’sir qilishi mumkin, ularning ta’siri ostida u quyidagilarni qo’llab-quvvatlashni talab qiladi:
- Uyquning yetishmasligi;
- Kuchli stress;
- Balanssiz ovqatlanish;
- Spirtli ichimliklarni iste’mol qilish;
- Chekish;
- Yolg’izlik.
Immunitet tizimi qo’llab-quvvatlashga muhtoj ekanligini ko’rsatuvchi belgilar
1. Ovqat hazm qilish muammolari
Immunitet va ovqat hazm qilish tizimi bir-biri bilan chambarchas bog’liq.
Aslida, immunitet tizimining 70% i ichakda, ya’ni ichak bilan bog’liq limfoid to’qimalarda (IBLT) joylashgan. IBLT T- va B-hujayralari, makrofaglar, antigen ishlab chiqaruvchi hujayralar va boshqalar kabi immunitet hujayralaridan iborat.
Ushbu yaqin aloqaning natijasi sifatida sog’lom ovqat hazm qilish tizimi sog’lom immunitet tizimini saqlashga yordam beradi. Bu, shuningdek, diareya, gaz va ich qotishi kabi o’ziga xos ovqat hazm qilish muammolari immunitet tizimining zaiflashishini ko’rsatishi mumkinligini anglatadi.
Ko’p miqdorda kletchatka, suv iste’mol qilish, probiyotiklarni qabul qilish ovqat hazm qilish hamda immunitet tizimini sog’lom saqlashga yordam beradi.
2. Doimiy charchoq
Ma’lumki, qattiq ishlash va uyquning yetishmasligi charchoqning kuchayishiga olib keladi. Ammo agar yetarli uyqu sharoitida hali ham charchoqni his qilinsa, ehtimol organizm shu tarzda biror narsa aytishga harakat qiladi.
Immunitet tizimi haddan tashqari yuklanganda, bu energiya darajasiga salbiy ta’sir ko’rsatishi mumkin. Organizm patogen mikroorganizmlarga qarshi kurashish uchun energiyani tejashga harakat qiladi, natijada uyqu davomiyligiga aloqador bo’lmagan charchoq hissi paydo bo’ladi.
Agar bu sizning holatingiz bo’lsa, unda siz stressni kamaytirishingiz va ishlardan ko’ra yaxshi uyquni birinchi o’ringa qo’yishingiz kerak.
3. Tez-tez infeksiyalar
Organizm siz bilan doimo aloqa qiladi. Agar siz tez-tez infeksiyalarni boshdan kechirsangiz, bu organizmning immunitetning buzilishi haqida signal berishi mumkin.
Agar siz infeksiyalarga nisbatan zaifligingiz kuchaygan deb hisoblasangiz, albatta shifokoringizga murojaat qilishingiz kerak.
4. Haddan tashqari stress darajasi
Muhim loyiha, imtihon yoki oiladagi xavotirli vaziyatdan so‘ng odam kasal bo‘lib qolishi bejiz emas.
Uzoq muddatli yoki muntazam ravishda takrorlanadigan stressli vaziyatlar immunitetni zaiflashtirishi mumkin. Bundan tashqari, keksa odamlar yoki allaqachon kasal bo’lganlar stress ta’sirida immunitet tizimidagi o’zgarishlarga ko’proq moyil bo’lishadi.
Stressni boshqarishni o’rganish nafaqat ruhiy salomatlik va farovonlik, balki jismoniy salomatlik uchun ham muhimdir. Yaqinlaringiz yoki mutaxassis bilan suhbatlashish, o’zingizga g’amxo’rlik qilish uchun vaqt ajratish va stressni yengishga yordam beradigan zarur oziq moddalarni iste’mol qilish stressning jismoniy va ruhiy ta’sirini bartaraf etishning yaxshi usuli hisoblanadi.
Sog’lom immunitet tizimini qanday saqlash kerak
1. Immunomodulyatorlarni qabul qilish
Vitamin C, vitamin D, sink hamda boshqa vitamin va minerallar sog’lom immunitet tizimini saqlash uchun zarurdir.
Nutriyentlarni qabul qilish sizga kerakli vitamin va minerallarni olishning oson usuli hisoblanadi:
Solgar Vitamin D3 har qanday yoshdagi immunitet tizimini mustahkamlashga yordam beradi.
Solgar Sink pikolinati immunitetni qo’llab-quvvatlashga yordam beradi, tananing tashqi omillarga chidamliligini oshiradi va antioksidant himoyasini ta’minlaydi.
Ester-C plyus immuno-kompleks – noyob formula o’z ichiga vitamin D3 va qo’shimcha immunitetni qo’llab-quvvatlash uchun sink, shuningdek, marjondaraxt, exinaseya va astragalusni oladi.
2. Immunitet tizimini qo’llab-quvvatlovchi oziq-ovqatlarni iste’mol qilish
Balanslangan ovqatlanish butun organizmga, shu jumladan immunitet va ovqat hazm qilish tizimlariga ta’sir qiladi. Sitrus mevalari, ismaloq yoki bolgar qalampiri kabi Vitamin C ga boy oziq-ovqatlarni yetarli miqdorda iste’mol qilish kerak.
3. Muntazam jismoniy faoliyat
Yugurish, suzish yoki bog’da ishlash – bularning barchasi ajoyib! Jismoniy mashqlar paytida va undan keyin yallig’lanishga qarshi sitokinlar ajralib chiqadi, immunitet hujayralarining aylanishi yaxshilanadi, bu esa immunitet mustahkamlanishiga olib keladi.
4. Yetarli uyqu
Uyquning yetarlicha emasligi shunchaki ertangi kundagi uyqusirashga olib kelmaydi. Bu immunitet tizimining optimal ishlashini buzilishiga olib kelishi mumkin. Har kecha 8-10 soatlik uyqu salomatlikni mustahkamlaydi.
Xulosa qilib aytganda
Ko’p omillar – yomon ovqatlanishdan tortib, yolg’izlikka qadar – immunitet tizimiga salbiy ta’sir ko’rsatishi mumkin. Ovqat hazm qilish tizimi bilan bog’liq muammolar, charchoq, uzoq vaqt davolanadigan yaralar, kuchli stress, tez-tez infeksiyalar yoki shamollashlar immunitet tizimining qo’llab-quvvatlashga muhtoj ekanligidan dalolat beradi.
Baxtimizga, immunitetni optimal ishlashiga ishonch hosil qilish uchun uni qo’llab-quvvatlashning ko’plab usullari mavjud.
